အသည်းကွဲလူရွင်တော်

ချစ်သူတွေအတွက် ချစ်ခြင်းရဲ့ သင်္ကေတ အမည်နာမကိုယ်စီရှိတတ်ကြတာ သဘာဝပါပဲနော်။ ကိုယ်နဲ့မင်းမှာလည်း ချစ်ခြင်းအနက်ကို သက်သေပြတဲ့ ဝေါဟာရလေးတွေ ရှိခဲ့ကြတယ်။ မင်းမှတ်မိနေဦးမယ် ထင်ပါတယ်။
“နင်၊ ငါ၊ ခင်ဗျား၊ ကျုပ်” တွေ နှုတ်က လှိုင်လှိုင်ကြီး သုံးနိုင်ခဲ့ကြတော့ ကိုယ့်ရင်ထဲမှာ တနင့်နင့် ခံစားရသလို မင်းလည်း ထပ်တူထပ်မျှ ဖြစ်လိမ့်မယ်။ ဘယ်လိုမှ ချုပ်တည်းလို့ မရနိုင်တဲ့ ပေါက်ကွဲမှု သံစဉ်တွေဟာ နှလုံးသားကို ရိုက်ခတ်ထုနှက်လိုက်သလိုပါပဲ။ နာကျင်လိုက်တာ။
ကိုယ်တွေးမိတယ်။ မြန်မာအဘိဓာန်ထဲမှာ အဲဒီအသုံးအနှုန်းတွေ ထည့်သွင်းမထားခဲ့ရင် ဘယ်လောက်ကောင်းမှာလဲ။ ချစ်သူတွေဆီကို မလိုလားအပ်တဲ့ ဝေါဟာရတွေ လက်ဆောင်မပေးဖို့ အဘိဓာန်ကြီး တောင်းပန်ချင်ပါသေးတယ်။ ဘာတွေလဲဆိုတော့ ဒေါသ၊ မာန နဲ့ သံသယတွေလေ။
နှလုံးသားဆိုတာ အင်မတန်ထိရှလွယ်တဲ့ အစုပစ္စည်းတစ်ခုပေါ့။ သူ့မှာ ဒေါသကို လက်ခံယူဖို့ အင်အား မရှိပါဘူး။ သံသယကို ဖြေရှင်းပြဖို့ အခွင့်ရေးမရှိပါဘူး။ မာနကို ရင်ဆိုင်ဖို့ စွမ်းရည်လည်းမရှိပါဘူး။ သူ့မှာရှိတာကတော့ မျက်ရည်လို့ခေါ်တဲ့ နှလုံးသွေးတွေပါ။
နှလုံးသွေးဟာ ကျား / မ ရယ်လို့ မရွေးပါဘူး။ ဒဏ်ရာရရင်တော့ ကျလာမှာပဲ။ ကိုယ်လေ အချစ်နဲ့ ပတ်သက်တဲ့ အဘိဓာန်စာအုပ်တစ်အုပ် သီးခြားခွာထုတ် ပြုစုချင်လိုက်တာ ချစ်သူ။ အဲဒီစာအုပ်ထဲမှာ နှလုံးသားကို ထိခိုက်စေသော ဝေါဟာရတွေ လုံးဝမပါစေရဘူး။ အမုန်းဆိုတဲ့ စကားလုံးကိုလည်း အထူးသတိထား ဖယ်ရှားပစ်ခဲ့မယ်။ ရှေ့တန်းတင်ထားချင်တာက အကြင်နာပဲ။
ဒါပေမယ့် အိပ်မက်ထဲမှာတောင် အကောင်ထည်ဖော်ခွင့် မရနိုင်တဲ့ ယုတ္တိမဲ့စိတ်ကူးယဉ်ခြင်း တစ်မျိုးပါ။ ဒါကြောင့်လည်း အဘိဓာန်ထဲက လွမ်းဆွတ်ခြင်းလက်ဆောင်ကို ကိုယ်လှလှကြီး ရခဲ့တာပေါ့။